بەفر و بارانبارین دەستپێدەکاتەوە؛ کەشەکە تەواو زستانی دەبێت

بەفر و بارانبارین دەستپێدەکاتەوە و تا رۆژی چوارشەممە بەردەوام دەبێت، لەگەڵ ئەوەشدا کەشەکە بەتەواوەتی سارد دەبێت.

بەپێی پێشبینییەکانی کەشناسی هەرێم، ئەمڕۆ دووشەممە 12.1.2026 ئاسمان بەگشتی نیمچە هەور دەبێت، لە ئێوارەدا  شەپۆلێکی تری بەفر و باران لەدەریای سپی ناوەڕاستتەوە دەگاتە هەرێمی کوردستان.

سەرەتا لە ناوچەکانی پارێزگای دهۆک بەشێوەی نمەباران و بەفر لەناوچە شاخاوییە سنووریەکانی باکوور دەستپێدەکات، پاشان کاریگەری درێژ دەبێتەوە بۆ ناوچەکانی ناوەڕاستی هەرێم و دابارین بەشێوەی نمە باران و بەفر لە ناوچە شاخاوییە بەرزەکان دەستپێدەکات و بەردەوام دەبێ لەکاتەکانی درەنگانی شەو.

بۆ سبەی سێشەممەش، ئاسمان هەوری باراناوی دەبێت لە سەرتاسەری هەرێم و لە کوێستانەکانیش بەفر و بارانبارین دەبێت، پلەی گەرما سێ بۆ چوار پلەی دیکە نزم دەبێتەوە و  کاریگەری ئەو شەپۆلە تا رۆژی چوارشەممە بەردەوام دەبێت.

بەرزترین پلەکانی گەرمای پێشبینیکراو بە پلەی سیلیزی بۆ سبەینێ؛

هەولێر: 11 پلەی سیلیزی

پیرمام: 8 پلەی سیلیزی

سۆران: 3 پلەی سیلیزی

حاجی ئۆمەران: 1- پلەی سیلیزی

سلێمانی: 6 پلەی سیلیزی

چەمچەماڵ: 9 پلەی سیلیزی

دهۆک: 7 پلەی سیلیزی

زاخۆ: 7 پلەی سیلیزی

کەرکوک: 12 پلەی سیلیزی

هەڵەبجە: 8 پلەی سیلیزی

گەرمیان: 12 پلەی سیلیزی

بەفر و باران دەگەڕێنەوە و پلەکانی گەرما نزم دەبنەوە

لە شەختەی بەیانییانەوە بۆ نمەبارانی شەو؛ کەشوهەوا دەگۆڕێت