گەنجێکی سلێمانی چاڵێنجی خۆی کردووە 50 کاتژمێر بێ وەستان رابکات
بۆ نەخۆشانی شێرپەنجە رادەکات
964+
ئەحمەد محەمەد – سلێمانی
گەنجێكی شاری سلێمانی چاڵنجێكی 50 كاتژمێری راكردنی راگەیاندووە و داهاتەكەشی بۆكۆكردنەوەی هاوكارییە بۆ نەخۆشخانەی هیوا، هەركەسێك سەیری نمایشەكە بكات بڕە پارەیەك دەخاتە بۆکسێکی شوشەیی و دواتر پێشكەشی نەخۆشخانەكە دەكرێت.
بەهجەت حەسەن لە ئەڵمانیاوە گەڕاوەتەوە کوردستان بۆ ئەنجامدانی چاڵێنجەکە و بەهۆی راکردنەوە نەیتوانی قسە بکات و بە زمانی ئاماژە بە پەیامنێری 964ـی وت، کە ناتوانێت قسە بکات و وزە بەفیڕۆ بدات، چونکە هێشتا نیوەی کاتەکەی بە تەواوی تێنەپەراندووە و پێویستی بە 25 کاتژمێری تر هەیە بۆ ئەوەی چاڵێنجەکە تەواو بکات، پلانی هەیە لە هەر دوو شاری هەولێر و دهۆکیش چاڵێنجەکە دووبارە بکاتەوە.
هەرکەسێک بیەوێت بەشداری چاڵێنجەکە بکات دەتوانێت بڕوات وەک بەهجەت لە فامیلی مۆڵ لەسەر ئامێری راکردنەکە رابکات و پشتیوانی بەهجەت بکات، ئەوانەی دەشیانەوێت لە رێی بەخشینەوە بەشداری بکەن دەتوانن بڕێک پارە بخەنە ناو شوشەکەی بەردەمی و هاوکارییەکانی خۆیان بگەیەنن.
پێداچوونەوە: ژێوار خدر
