بوومەلەرزەوەی فیلیپین زەرەر و زیانی هەبوو
پێشبینییەكانی زانا هۆڵەندییەكە خەریكە دێنەدی
بوومەلەرزەیەكی بەهێز لە فلیپینی دا
964+
ئەرسەلان عەبدوڵا
بوومەلەرزەیەك بە گوڕی 6.4 بە پلەی رێختەر لە كەنارەكانی باشووری فلیپینی دا، ئەمەش بە گوێرەی راگەیاندرتوی دەستەی جیولۆجیی ئەمریكا، بەڵام هیچ هۆشدارییەك لە بارەی بوونی تسۆنامی نەدراوە و باسی زەرەر و زیانیش نەكراوە.
بوومەلەرزەكە كە لە لایەن دەستەی جیۆلۆجی ئەمریكا سەرەتا بە هێی 6.7 پلە تۆمار كراوە، لە قووڵایی 58.5 كیلۆمەتر بووە و لە دووریی نزیكەی 27 كیلۆمەتر لە رۆژهەڵاتی شارۆچكەی سانتیاگۆ بووە لە دوورگەی مینداناو لە فلیپین.
ئەمە لە كاتێكدایە دوو رۆژ لەمەوبەر فرانک هۆگەربێتس، زانای بوومەلەرزەزانی هۆڵەندی هاتەوە مەیدان و هۆشداری دا لە دیاردەیەکی فەلەکی “مەترسیدار” کە بە وتەی خۆی کاریگەری لەسەر توێکڵی زەوی دەبێت و دەبێتە هۆی چالاکیی بوومەلەرزەیی بەهێز لە چەند رۆژی داهاتوودا.
جەختیشی لەوە کردەوە، ماوەی 6 تا 9ی مانگ هەستیارترینە و کاریگەرییە فەلەكییەكان تا 11 بەردەوام دەبن، دوو هەفتەی یەکەمی ئەم مانگەشی بە زۆر گرنگ زانی، هەروەها رایگەیاند، ئەگەری هەیە چالاکیی بومەلەرزەیی بەرزتر لە ئاستی ئاساییدا رووبدەن.
