"نزیکەی 100 کارمەند بێ کاربوونە"
دوای زیاتر لە پێنج کاتژمێر ئاگرەکەی کارگەی جپسی مارکۆ بەردەوامە
ئەحمەد شەمزین-هەولێر
پێنج کاتژمێر زیاترە و ئاگرەکەی کارگەی چپسی ماکۆ بەردەوامی هەیە، کارەبای ناوچەکەش کوژێندراوەتەوە.
هێشتا شەش رۆژە لە ساڵی نوێیداین و ئەمە یەکەمین ئاگری گەورەی ساڵەکەیە لە هەولێر، جگە لە تیمەکانی بەرگری شارستانی، تیمەکانی هێزی زێرەڤانی و ئەندازەی پارکەکانیش بەشداربوون لە کۆنترۆڵکردن و کوژاندنەوەی ئاگرەکە.
پەیامنێری 964 لە شوێنی رووداوەکەوە پێی وتین، کارەبای ناوچەکە کوژاوەتەوە و نزیکەی 100 کارمەند بەهۆی ئاگری کارگەکەی هەولێرەوە بێکار بوونە.
بەرەبەیانی زوو ئاگر لە کارگەی جپسی مارکۆ لە پیرزینی هەولێر کەوتەوە، بەهۆیەوە دوکەڵێکی رەش لە بەشێکی زۆری گەڕەکەکانەوە دیاربوو.
پێداچوونەوە: پەری ساڵح
