یەک ملیۆن و نیو لیتر نەوتی عەمبارکراو ماوە بۆ دابەشکردن

964+

ئەحمەد مستەفا

تا ئێستا نزیکەی 135 ملیۆن لیتر نەوتی سپی بەسەر نزیکەی 700 هەزار خێزان لە پارێزگا و ئیدارە سەربەخۆکانی هەرێمی کوردستان دابەش کراوە.

بۆ وەرزی زستانی ئەمساڵیش، وەزارەتی سامانە سروشتییەکان لە هەرێمی کوردستان، یەک ملیۆن و 584 هەزار و 600 لیتر نەوتی کۆگاکراوی ماوە.

بە گوێرەی ئەوەی وەزارەتی سامانە سروشتییەکان ئەمڕۆ یەکشەممە 4.1.2025 رایگەیاندووە، ئەوەی دابەشکراوە 134 ملیۆن و 899 هەزار و 800 لیتر بەسەر خێزانەکان لە سنووری پارێزگاکانی هەولێر، سلێمانی، دهۆک و هەڵەبجە، ئیدارەکانی سۆران و گەرمیان و زاخۆ و راپەڕین بووە.

لەگەڵ ئەوەی 415 هەزار و 222 خێزان ماون نەوت وەربگرن، لە هەولێر %42 لە سلێمانی %103 و لە دهۆک %99 و لە هەڵەبجە %98 بە رێژەی سەدی دابەشکراوە.