هەزار دەبە نەوتی دابەش كرد
چاییچییەک ماڵە هەژارەکان گەرم دەکاتەوە
964+
دیلان محەمەدجەزا – سلێمانی
چایچییەک لە شاری سلێمانی بەم زستانە لەخەمی ماڵە هەژارەکاندایە و بە هاوکاری خێرخوازان و سەرمایەدارەکان هەزار دەبە نەوتی بۆ کۆکردوونەتەوە و دابەشی كردووە.
بەختیار سدیق بە 964ـی وت، “دەمانەوێ بەم شێوەیە هاوکاری خەڵکی کەمدەرامەت و خاوەن پێداویستی تایبەت و هەژارەکان بکەین و بەهاوکاری خێرخوازانی ناوخۆ و دەرەوەی وڵات ئەم کارە دەکەین”.
“هەر ماڵەی پێنج دەبەی نەوتی پێدەدەین و کرێ تەکسییەکەشیان دەدەینەوە”، بەختیار سدیق وای وت.
ئاماژەی بەوەش کرد، هەفتەی رابردوو 400 دەبە نەوت و ئەمڕۆش 600 دەبەی دیکەیان بەسەر هاوڵاتیانی هەژاری شارەکە دابەش کردووە و بەردەوامیش دەبن لەو ئیشە خێرخوازییەدا.
پێداچوونەوە؛ شۆڕش قادری
لە چۆمان 800 خێزان بێبەرامبەر نەوتیان وەرگرت
