ئەگەری بەفر بارین لە ناوچە شاخاوییەکان هەیە - وێنە: فەرمانگەی میدیا و زانیاری هەرێم
كەشوهەوای ئەمڕۆ
دوای نیوەڕۆ باران و بەفربارین دەستپێدەكات
964+
ئەرسەلان عەبدوڵا
كەشناسیی هەرێمی كوردستان دەڵێت ئاگاداربن، لە دوای نیوەڕۆی ئەمڕۆ چوارشەممە 31.12.2025 ئیتر شەپۆلێكی دیكەی باران و بەفربارین دەستپێدەكات و خۆتان گەرم داپۆشن.
كەشناسیی كوردستان بڵاویكردەوە، کەشی ئەمڕۆ سارد و نیمچە هەور دەبێت، پاشان دەگۆڕێت بۆ هەوری تەواو، لە دوای نیوەڕۆشەوە شەپۆڵێکی بەفربارین روو لە بەشێک لەم ناوچانە دەکات ( سنووری پارێزگای دهۆک – ئیدارەی زاخۆ -مێرگەسوور -ئامێدی – سنووری ئیدارەی سۆران -بەشێک لە ئیدارەی راپەرین و چیای سەفین لە پارێزگای هەولێر).
هەروەها دەڵێن، لە کاتی زیادبوونی کاریگەری شەپۆلەکە ئەگەری نمەبارانیش دەبێت بە تێکەڵی لەسەر ناوچەی جیاجیا .
سەبارەت بە پێشبینییەكانی دیكەش، ئەوە دەخەنەڕوو، كە خێراىی با مام ناوەند دەبێت لە نێوان ( 10 – 25 ) کیلۆمەتر لە كاتژمێرێکد، ئاراستەكەشی بەرەو باشووری خۆرهەڵات دەبێت.
پلەکانی كەرماش هەروەك دوێنێ ساردن و مەوادی بینینیش لە نێوان ( 7 – 9) کیلۆمەتر دەبێت، لە کات و وشوێنی دابارینیشدا كەمدەبێتەوە بۆ ( 3-5 ) کیلۆمەتر.
بەرزترین پلەکانی گەرمای پێشبینیکراو بە پلەی سیلیزی بۆ ئەمڕۆ:
هەولێر : 5 پلەی سیلیزی
سلێمانی : 3 پلەی سیلیزی
دهۆک : 4 پلەی سیلیزی
زاخۆ : 4 پلەی سیلیزی
کەرکوک : 8 پلەی سیلیزی
هەڵەبجە : 3 پلەی سیلیزی
گەرمیان : 10 پلەی سیلیزی
سۆران: 1 پلەی سیلیزی
حاجی ئۆمەران: -4 پلەی سیلیزی
ئامێدی: -4 پلەی سیلیزی
ئاكرێ: 4 پلەی سیلیزی
