شێخ عەبدولقادری گەیلانی شەوی رابردوو لە هەولێر بوو

964+

ئەرسەلان عەبدوڵا

زانا و مامۆستایانی ئایینی، مامۆستایانی زانکۆ و ئەکادیمیستان، لە مزگەوت و تەکیەی شێخ پیرخدری شاهۆیی، شەوی رابردوو لە دووەم دیداری زانستی و عیرفانیی شێخ عەبدولقادری گەیلانی بەشدار بوون.

لە دیدارەكەدا پارێزگاری هەولێر ئومێد خۆشناو  و سەرۆكی یەكێتیی زانایانی ئایینی ئیسلام مەلاعەبدوڵا وەیسی بەشداربوون، هەروەك لە راگەیاندراوی پارێزگای هەولێردا ئاماژەی پێكراوە.

باسی ئەوەش كراوە، تەوەری سەرەکی دیدارەكە بریتی بوو لە گەنگەشکردنی فیکری سۆفیگەری لە سایەی میانڕەوی و رووبەڕووبوونەوەی لادانە

فیکرییەکان.

لە گفتوگۆیەکاندا تاکید لەسەر ئەوە کرایەوە، سۆفیگەری هەر لە سەرەتاوە دەستی بە گەشەسەندن و دواتر “دامەزراوەیی” کردووە.

هەروەها ئەوەش خراوەتەڕوو، تەریقەتە سۆفیگەرییەکان لەسەر دەستی شێخ عەبدولقادر گەیلانی بناغەی داکوتاوە، شوێنکەوتووانی لە رێباز و بیروباوەڕ و رەفتارەکانی ئەو لایان نەداوە، بۆیە شێخی گەیلانی وەک کاریگەرترین کەسایەتی شەقامی بەغدا مایەوە.

شێخ عەبدولقادری گەیلانی، 1078-1160 ناوی تەواوی شێخ محێدینی کوڕی شێخ موسای جەنگی دۆست کوڕی شێخ عەبدوڵای موسا جانە، شێخێكی تەسەوفی ئیسلامییە و خاوەنی تەریقەتی قادرییە، لە تەمەنی 90 ساڵی لە شاری بەغدا كۆچی دوایی كردووە.

یەکەم فەقێی ئەفریقی لە هەولێر دەڵێت "نەوەی بیلالی حەبەشیم"