لەكاتی ئاهەنگەکانی سەری ساڵدا
پۆلیسی سلێمانی: تەقەمەنی و یارییە ئاگرینەکان بەکارمەهێنن
964+
شۆڕش قادری
پۆلیسی سلێمانی داوا لە هاوڵاتیان دەکات، لەكاتی دەربڕینی خۆشی و ئاهەنگەکانی سەری ساڵدا، تەقەمەنی و یارییە ئاگرینەکان بەکارنەهێنن، بەپێچەوانەوە لێپێچینەوەیان لەگەڵ دەکرێت.
بەڕێوەبەرایەتی پۆلیسی پارێزگای سلێمانی لە ئاگادارییەکدا بۆ هاوڵاتیانی ئەو دەڤەرە دەڵێت، “لەكاتی دەربڕینی خۆشـی و ئاهەنگەكـانی سەری ساڵدا دوور بكەونەوە لە بەكارهێنانی تەقەمەنی و یـارییە ئاگـریـنـەكـان تـا رووبـەڕووی رووداوی نەخوازراو و لێپێچینەوەی یاسایی نەبنەوە”.
هەموو ساڵێک بەنزیکبوونەوە لە جەژنەکانی سەری ساڵ و نەورۆز، هاوڵاتیان بە تەقاندنی تۆقتۆقە و یارییە ئاگرینەکان خۆشییەکانیان دەردەبڕن.
