هەڵکەندنی هەڕەمەکی شوێنەوارەکان ماوە
بەغدا قۆڵ و باسکی لە بازرگانانی شوێنەوار هەڵماڵیوە و سزای توندی بۆ دیاریکردوون
964+
فەرهاد حەسەن
وەزارەتی رۆشنبیری عێراق سزای توندی بۆ سەرپێچیکاران و بازرگانانی شوێنەوار دیاریکردووە و دەستی با چاودێریکردنیان کردووە لە هەر شوێنێک حاڵەتێکی نایاسایی ببینێت رووبەڕووی دادگایان دەکاتەوە.
ئەمڕۆ دووشەممە، وەزارەتی رۆشنبیری و گەشتیاری و شوێنەوار، جوڵەی یاسایی و ئەمنی چڕی بۆ پاراستنی موڵک و ماڵی کولتووری و شوێنەواری ئاشکرا کرد، کە لەمەودوا سزای یاسایی توند بۆ سەرپێچیکاران و بازرگاناندیریکردووە.
ئەحمەد کەریم عەلیاوی، وتەبێژی وەزارەت بە ئاژانسی هەواڵی عێراقی راگەیاند، یاسای شوێنەوار و کەلەپوور سزای توند بۆ ئەو کەسانە لەخۆدەگرێت کە دەستدرێژی دەکەنە سەر موڵک و ماڵی کولتووری یان بازرگانییان پێوە دەکات.
دەشڵێت “پاسەوانییەکی توند بۆ شوێنەوارەکان دابینکراوە و بەدواداچوونی ئەمنی بەردەوام هەیە بۆ دەستنیشانکردنی حاڵەتەکانی قاچاخچێتی، لەوانەش راوەدوونانی ئەو ریکلامە گوماناویانەی لە تۆڕە کۆمەڵایەتییەکان بڵاودەکرێنەوە.”
ئەەشی روونکردەوە، کە کێشەی هەڵکەندنی هەڕەمەکی شوێنەوارەکان هێشتا لە هەندێک ناوچەی دوورەدەستدا ماوە و کارکردن بۆ چارەسەرکردنیان لە رووی ئەمنییەوە بەردەوامە، داواشی لە هاوڵاتیان کرد “هاوکار بن و هەر حاڵەتێکی گوماناویان بینی ئاگادارمان بکەنەوە”.
ئەوەشی خستەڕوو، بەشی گەڕاندنەوەی یاسایی لە دەستەی شوێنەوار بەدواداچوون بۆ هەر پارچەیەک دەکات کە لە وڵات دەچێتە دەرەوە و هەڵمەتە گەورەکەی گەڕاندنەوە سێ ساڵ لەمەوبەریش بووە هۆی گەڕاندنەوەی نزیکەی 38 هەزار پارچە شوێنەوار لە ویلایەتە یەکگرتووەکانی ئەمریکاوە، ئەمەش لە چوارچێوەی کارە لەپێشینە ستراتیژییەکانی وەزارەتە بۆ پاراستنی کەلەپووری نیشتمانی.
بۆ یەکەمجار بنکەیەکی چاودێری شوێنەوار و کەلەپوور لە چەمچەماڵ کرایەوە
