لەمساڵدا نزیکەی 184 هەزار ئۆتۆمبێل هاوردەی هەرێمی کوردستان کراون – وێنە؛ سۆشیال میدیا
"هێنانی مۆدێلی 2024 تا مانگی نۆی ساڵی داهاتوو رێگەپێدراوە"
لەمساڵدا نزیکەی 184 هەزار ئۆتۆمبێل هاوردەی هەرێمی کوردستان کراون
964+
شۆڕش قادری
لەمساڵدا نزیکەی 184 هەزار ئۆتۆمبێل هاوردەی هەرێمی کوردستان کراون و رێژەکەش بەراورد بە ساڵی رابردوو زیادیکردووە.
نهوزاد شێخ كامیل بهڕێوهبهری گشتی بازرگانی له وهزارهتی بازرگانی و پیشهسازی ههرێمی كوردستان له بهرنامهیەکدا بۆ رادیۆی فەرمی هاتوچۆی سلێمانی رایگەیاندووە، له ئەمساڵدا له ههرێمی کوردستان 932 كۆمپانیا مۆڵهتی بازرگانییان بۆ هاوردهكردنی ئۆتۆمبێل وهرگرتووه و 183 ههزار و 885 ئۆتۆمبێل لهڕێی ههردوو فڕۆكهخانهی ههولێر و سلێمانی و ههر چوار دهروازهی نێودهوڵهتی (پهروێزخان، ئیبراهیم خهلیل، باشماخ و حاجی ئۆمهران)ـهوه هاوردهی ههرێم كراون.
“18 مۆڵهت بۆ هێنانی هەزار و 870 رافیعه و دهڕاسه دراون و 294 مۆڵهت دراون بۆ ئۆتۆمبێلی كلاسیك، 28 مۆڵهتیش دراون بۆ هێنانی ماتۆڕسكیل بۆ ههرێمی كوردستان”، نەوزاد شێخ کامیل وای وتووە.
ئاشكراشیكردووە، له ساڵی 2024ـدا 928 مۆڵهت دراوە به كۆمپانیاكان و 172 ههزار و 231 ئۆتۆمبێل هاوردهكراون، بهراورد به ساڵی رابردوو رێژهی هاوردهكردنی ئۆتۆمبێل لهمساڵدا زیادیكردوه، بهڵام مهرج نییه ئهو ئۆتۆمبێلانهی له دهروازی فهرمییهكانهوه هاتونهته ههرێم سهرجهمیان لێره بمێننهوه، بهڵكو بهشێكیان دهبرێنه ناوهڕاست و باشووری عێراق.
بەقسەی نەوزاد شێخ کامیل، ههر كۆمپانیایهك ئۆتۆمبێل هاورده بكات، دهبێت پابهندی مهرج و رێنماییهكان بێت و پێویسته ئۆتۆمبێلهكه، بڕاوه و سووتاو و ژێرئاوكهوتوو نهبێت، لهههمانكاتدا پێویسته رێژهی 5٪ـی یهدهگی ئهو جۆره ئۆتۆمبێلهی كه هاوردهی دهكات، بێنێتە ههرێم.
باسی لەوەشکردووە، هاوردهكردنی ئۆتۆمبێلی مۆدێل 2024 تا رۆژی 1.9.2026 رێگهپێدراوه و لهدوای ئهو بهروارهوە، رێگه بهو مۆدێله نادرێت بهێندرێته ههرێمی كوردستان.
ئەمساڵ 80 هەزار ئۆتۆمبێل هاوردەی هەرێم کراون
