کەشەکە ساردە و باران نابارێت
خێرایى با مامناوەند دەبێت
ئەم دوو رۆژە بەتەماى باران مەبن
964+
وریا فەتاح
ئەمڕۆ و سبەینێ، کەشوهەواى هەرێم لە نێوان ساماڵ و پەڵە هەور دەبێت و بارانى تێدا نابێت، خێراى “با”ش، مامناوەند دەبێت.
بەپێى پێشبینییەکانى کەشناسى، ئەمڕۆ پێنجشەممە، کەشى ئاسمانی هەرێم بە گشتی لە نێوان ساماڵ و پەڵە هەور دەبێت لە هەندێ ناوچە دەگۆڕێت بۆ نیمچە هەور .
لەبارەى پلەکانى گەرماوە، پێشبینى کردووە کە پلەکانى گەرما هاوشێوەى دوێنێ ببن و گۆڕانکاریان بەسەردا نایەت.
بۆ کەشى سبەینێ هەینى، کەشناسى پێشبینى دەکات کە بە هەمان شێوەى ئەمڕۆ، ئاسمان ساماڵ و پەڵەهەور بێت و پلەکانى گەرماش کەمێک بەرز ببنەوە بەراورد بە ئەمڕۆ.
“خێرایى با لە ئەمڕۆ و سبەى لە نێوان 10 بۆ 20 کیلۆمەتر دەبێت لە کاتژمێرێکدا، ئەوەش خێراییەکى مامناوەندە”، کەشناسى وا پێشبینى کردووە.
بەرزترین پلەکانی گەرمای پێشبینیکراو بە پلەی سیلیزی بۆ سبەینێ هەینى:
هەولێر : 16 پلەی سیلیزی
سلێمانی : 14 پلەی سیلیزی
دهۆک : 15 پلەی سیلیزی
زاخۆ : 17 پلەی سیلیزی
کەرکوک : 17 پلەی سیلیزی
هەڵەبجە : 15 پلەی سیلیزی
سۆران : 12 پلەی سیلیزی
گەرمیان : 18 پلەی سیلیزی
