شەش بارھەڵگر و 14 ملیۆن دینار
گەرمیان بە دەستی پڕەوە گەیشتە چەمچەماڵ
964+
دیلان محەمەد جەزا – سلێمانی
دوای ئەو زیانانەی بەهۆی لافاوەوە بەر چەمچەماڵ و ناحیەی شۆڕش کەوت، خەڵکی کەلار و گەرمیان بە هیمەتێکی گەورەوە و بە شەش بارھەڵگر کەلوپەلەوە بەهانایانەوە چوون.
سەنگەر حەمید، سەرپەرشتیاری کەمپینەکە بە 964ـی وت، هاوکارییەکان بریتین لە؛ دۆشەک، بەتانی، فەرش و قاپوقاچاخ و جەخت دەکاتەوە کە “هەموو کەلوپەلەکان تازەن و بەکارنەهاتوون، چونکە نابێت شتی کۆن بۆ خێر ببەخشین”.
جگە لەو پێداویستییانە، بڕی 14 ملیۆن و 300 هەزار دیناریشیان وەک پارە بۆ لێقەوماوان کۆکردووەتەوە و بەسەر زیانلێکەوتوواندا دابەشیدەکەن.
پەیامی گەرمیانییەکان بۆ چەمچەماڵ روون بوو: “ئێمە هەموومان لە خەمی یەکترداین و بە ئازاری ئێوە ئازار دەچێژین”
پێداچوونەوە: ژێوار خدر
