عەمودێکی کارەبا بەهۆی باران و رەشەباوە کەوتووە – وێنە؛ کارەبای گەرمیان
باران و رەشەبا عەمودێکی کارەبای خستووە
کارگەکانی گردەگۆزینە و عەلوەی کەلار بێ کارەبا بوون
964+
شۆڕش قادری
بەهۆی کەوتنی عەمودێک، کارگەکانی گردەگۆزینە و عەلوەی کەلار بێ کارەبا بوون.
بەپێی راگەیەنراوێکی بەڕێوەبەرایەتی گشتی کارەبای گەرمیان، بەهۆی ئەو شەپۆلە بارانبارینەی لە چەند رۆژی رابردوودا گەرمیان و ناوچەکانی کوردستانی گرتەوە، ستونێک لە فیدەری (33) کەوتووە و بەهۆیەوە کارگەکانی گردەگۆزینە و عەلوەی کەلار بێ کارەبا بوون.
ئاماژە بەوەشکراوە، لە ئێستادا تیمەکانی کارەبای گەرمیان لە هەوڵی چارەسەرکردنی ئەو کێشەیەن و دەیانەوێ لە چەند کاتژمێری داهاتوودا کارەبای نیشتمانی بۆ ئەو شوێنانە بگەڕێننەوە.