کەشەکە ئاسایی بووەوە و ماڵی گەشت و سەیرانە
پلەکانی گەرماش کەمێک بەرز دەبنەوە
هەور هەیە و باران نییە
964+
ژێوار خدر
ئەگەر چاوەڕێی بارانن و چەترەکانتان ئامادە کردووە، جارێ دایبنێنەوە، بۆ ئەمڕۆ و سبەی بەتەمای باران مەبن، ئاسمان هەر وا بە ساماڵی و هەوری دەمێنێتەوە و جەوەکەشی کەمێک گەرمتر دەبێت.
بەڕێوەبەرایەتیی گشتیی کەشناسی و بومەلەرزەزانیی سلێمانی کەشوهەوای 48 کاتژمیری داهاتووی بڵاوکردەوە و دەڵێت، ئەمڕۆ هەینی ئاسمان لەنێوان پەڵە هەور و نیمچە هەور دەبێت و پلەکانی گەرماش گۆڕانکارییان بەسەردا نایەت و نزیک دەبێتەوە لە تۆمارکراوەکانی دوێنێ.
سەبارەت بە سبەی شەممە 6.12.2025، کەشناسی پێشبینی دەکات ئاسمان سەرەتا نیمچە هەور بێت و دواتر بگۆڕێت بۆ هەوری تەواو (واتا ئاسمان دەگیرێت)، بەڵام پلەکانی گەرما بە بەراورد بە ئەمڕۆ 1 بۆ 2 پلە بەرزتر دەبنەوە.
بەرزترین پلەکانی گەرمای پێشبینیکراو بە پلەی سیلیزی
هەولێر : 20 پلەی سیلیزی
سلێمانی : 18 پلەی سیلیزی
دهۆک : 20 پلەی سیلیزی
کەرکوک : 20 پلەی سیلیزی
زاخۆ: 21 پلەی سیلیزی
هەڵەبجە : 19 پلەی سیلیزی
گەرمیان : 22 پلەی سیلیزی
