گەوەڕەکان تێکدران و ژمارەیەک ئاژەڵ دەستیان بەسەرداگیرا
لە کەرکوک رەشەوەڵاخ کەتنی نایەوە و ئۆتۆمبێلێکی وەرگەڕاند
964+
کاروان ساڵحی – کەرکوک
لە نزیک زانکۆی کەرکوک، ئۆتۆمبێلێکی جۆری هۆندای ئەلنترا بە هۆی گامێشێکەوە وەڕگەڕا.
فەلاح یایچی قایمقامی کەرکوک بە 964ـی وت، “بەیانی ئەمڕۆ پێنجشەممە 4.12.2025 و لەسەر شەقامی زانکۆ کە خێرایی تیایدا 80 کیلۆمەتر لە کاتژمێرێکدایە، ئۆتۆمبێلێک لە جۆری هۆندا ئەلێنترا بەهۆی گامێشێکەوە وەرگەڕاوە و زیانی ماددی زۆر بەر ئۆتۆمبێلەکە کەوتووە، جگە لەوەش، کۆمەڵێک دار و درەختی سەر شەقامەکەی شکاندووە”.
“چەند جارێک ئاژەڵداران و ئەو کەسانەی مانگا و رەشەوەڵاخ لەناو شار بەخێو دەکەن، ئاگادارمان کردوونەتەوە کە نابێت ئەو کارە بکەن و دەبێت ئاژەڵەکانیان ببەنە دەرەوەی شار، بەڵام بڕیارەکەیان پشتگوێ خستووە و جێبەجێیان نەکردووە”، فەلاح یایچی وای وت.
ئاماژەی بەوەشکرد، ئەمڕۆ لەگەڵ لیژنەی لابردنی زیادەڕەویی دەستیانکردووە بە تێکدانی سەرجەم ئەو گەوەڕ و شوێنانەی کە ئاژەڵیان تێدا بەخێو دەکرێت و ژمارەیەک ئاژەڵیش دەستیان بەسەرداگیراوە.
پێداچوونەوە؛ شۆڕش قادری
ئیدارەی کەرکوک لە هەوڵی داخستنی کوشتارگەی ئاژەڵانی شارەکەیە
