دیمەنی باڵەخانەی خوێندنی باڵا و توێژینەوەی زانستی هەرێم وێنە: سۆشیاڵ میدیا
بۆ پشووەکانی سەری ساڵی میلادی
“خوێندکارانی دەرەوەی وڵات دەتوانن لە 19ـی ئەم مانگەوە بگەڕێنەوە کوردستان”
964+
شۆڕش قادری
بەپێی بڕیارێکی وەزیری خوێندنی باڵا و توێژینەوەی زانستی هەرێم، خوێندکارانی دەرەوەی وڵات دەتوانن بۆ پشووەکانی سەری ساڵی میلادی، لە 19ـی ئەم مانگەوە بگەڕێنەوە کوردستان و بۆ ماوەی 17 رۆژ بمێننەوە.
بەپێی راگەیەنراوێکی وەزارەتی خوێندنی باڵا و توێژینەوەی زانستی حکومەتی هەرێمی کوردستان، “بەهۆى نزیکبونەوەى پشوەکانى سەرى ساڵى نوێی میلادی و لەبەرچاوگرتنى بارودۆخى ئەو خوێندکار و قوتابیانەى لە دەرەوەى وڵات دەخوێنن، د. ئارام محەمەد قادر بڕیاریداوە بە رێگەپێدان بە قوتابى/ خوێندکارانى دەرەوەی وڵات بەمەبەستى گەڕانەوە بۆ هەرێمی کوردستان لە رۆژی 19.12.2025 تا 5.1.2026 بۆ ماوەی 17 رۆژ”.
ئاماژە بەوەشکراوە، ئەو ماوەیەى کە خوێندکار و قوتابیان لە شارەکانى هەرێمى کوردستان بەسەرى دەبەن، بە ماوەی مانەوە بۆیان هەژمار دەکرێت.
خوێندنی باڵا: خوێندکارانی دەرەوەی وڵات دەتوانن 17 رۆژ بگەڕێنەوە هەرێم
