فەیسبووک بۆ رکابەری تیکتۆک ماوەی ریڵەکانی زیادکرد
+964
عادل کانەبی
کۆمپانیای مێتا ماوەی ڤیدیۆ کورتەکان (ریڵس)ی لە 60 چرکە بۆ 90 چرکە زیادکرد.
کۆمپانیای مێتا کە خاوەنی فەیسبووکە ئەمڕۆ رایگەیاند، ماوەی ڤیدیۆ کورتەکانی کە بە ریڵس (Reels) ناسراوە لە 60 چرکەوە بۆ 90 چرکە زیادکرد.
ئەم هەنگاوەی فەیسبووک دوای ئەوە دێت کە کۆمپانیای “بايت دانس”ی چینی رایگەیاند، ماوەی ڤیدیۆکانی تیکتۆک بۆ 10 خولەک زیادکرد.
خزمەتگوزاری ریڵ لە فەیسبووک بۆ یەکەم جار لە ئەمریکا لە 29.9.2021 بەردەست بوو، بۆ ئەوەی بەکارهێنەرانی فەیسبووک ڤیدیۆ کورتەکانیان لە رێگەی ریڵەوە بڵاو بکەنەوە دواتر لە سەرانسەری جیهان کەوتە بەردەست بەکارهێنەرانی تۆڕەکە.