لە فێستیڤاڵی شانۆی شەقامی كەركوك بەشدارن
رۆژینا وەحیدیپوور: لە سنە بایەخی زۆر بە هونەری ژنان دەدرێت
964+
كاروان ساڵحی – كەركوك
گرووپی كیژانی سنە بە پێشكەشكردنی ژمارەیەك گۆرانی بەشدارییان لە كردنەوەی نۆیەمین خولی فێستیڤاڵی شانۆی شەقامی كەركوك كرد، سەرپەرشتیارەكەشیان دەڵێت، لە سنە بایەخی زۆر بە هونەری ژنان دەدرێت و بنەماڵەكان پشتگیرییان دەكەن.
رۆژینا وەحیدیپوور سەرپەرشتیاری گرووپی كیژانی سنە، ئەمڕۆ لە كەركوك بۆ 964 قسەی كرد و باسی لەوە كرد، خۆشحاڵن بۆ یەكەمجار بەشداریی ئاهەنگی كردنەوەی فێستیڤاڵی شانۆی شەقامیان لە كەركوك كرد و چەند گۆرانییەكیان بە شێوەزارە جیاوازەكانی كوردی پێشكەش كرد.
وتیشی، لە رۆژهەڵات و بە تایبەتی لە سنە هونەرمەند و موزیسیان زۆرن، بایەخی زۆریش بە هونەر دەدرێت و بە تایبەتی بۆ ژنان، كە ساڵانە دوو جار كۆنسێرتی گۆرانی پێشكەش دەكەن و بنەماڵەكانیش گرنگی بە ژنانیان دەدەن لە بواری هونەردا.
رۆژینا بە هیوایە بتوانن زیاتر كاری هونەری بكەن لە رۆژهەڵات و بەردەوام بن.
پێداچوونەوە: ئەرسەلان عەبدوڵا
