سێ کەس لە سیتەک
زەویان تەخت کرد و دەستگیر کران
964+
ژێوار خدر
لە سیتەک سێ هاوڵاتی بەتۆمەتی زیادەڕۆیی بۆ سەر موڵکی گشتی، دەستگیر کران.
پۆلیسی ژینگە و دارستانی سلێمانی دەڵێت، سێ هاوڵاتییان بە تۆمەتی زیادەڕۆیی کردن دەستگیر کردووە، کە لە سنوری ناحیەی سیتەك هەستاون بە بڕین و تەختکردنی زەوی.
دەشڵێت، دەستییانگرتووە بەسەر شۆفڵێک و دوو حەفارەدا و پەڕاوی لێکۆڵینەوەش رێکخراوە و رادەستی دادوەر کراوە بۆ وەرگرتنی رێکاری یاسایی.
روونیشێکردووەتەوە کە، لەلایەکی دیکەوە و بە تۆمەتی بڕین و سوتاندنی داری سروشتی لە گوندی هەرمنی سنووری شارباژێڕێش هاوڵاتیەك دەستگیر کرا، پەڕاوی لێکۆڵینەوەی بۆ کراوەتەوە و ئاڕاستەی دادوەر کراوە.
