ئۆتۆمبێلەکە بێسەرەتا بووە
چیرۆکى ئەو رووداوەى سێ ماڵى تازیەبار کرد
964+
دیلان محەمەدجەزا- سلێمانى
هاتوچۆى سلێمانى زانیارى نوێ لەسەر ئەو رووداوى هاتوچۆیە ئاشکرا دەکات کە بەرەبەیانى ئەمرۆ لەسەر شەقامى 60 مەترى سلێمانى و لە نزیک نەخۆشخانەى شار، روویداوە.
لە رووداوەکەدا، سێ گەنج گیانیان لەدەستدا و کەسێکى دیکەش بە سوکى بریندارە.
عەقید بەهمەن ئەحمە، بەڕێوەبەرى هاتوچۆى ناوشارى سلێمانى/ رۆژئاوا بە 964ـى وت،”ئۆتۆمبێلەکە بێ سەرەتایە و تابلۆى ساختەى بەستووە، بەڵام خێرایى لەرادەبەدەر هۆکارى سەرەکى رووداوەکە بووە”.
باس لەوەش دەکات، شۆفێر لەژێر کاریگەرى مەى خواردنەوە بووە و هاوڕێکەشى کە بریندارە، لە لێکۆڵینەوەکاندا دانى بەوەداناوە کە ئۆتۆمبێلەکە خراپ لێخوڕدراوە.
پێداچوونەوە: وریا فەتاح
