"سێوی ئەمریکی باشترین سێوی فێستیڤاڵەکەیە"
دووەم رۆژی فێستیڤاڵی بەرواری باڵا گەرموگوڕە
964+
هیڤی دێوالی-دهۆک
ئەمڕۆ دووەم رۆژی فێستیڤاڵی بەرواری باڵایە و قەرەباڵغی و جموجۆڵێکی زۆری پێوە دیارە، جوتیارانیش لە بەردەم کەپر و خێمەکانیان دانیشتوون، بەوهیوایەی بازاڕێکی باش بۆ بەرهەمەکانیان پەیدا بکەن.
رەمز مایی جوتیارێکی بەئەزموونە و بە 964ـی وت، “باشترین سێوی فێستیڤاڵەکە سێوی ئەمریکییە کە سندوقی بە 20 هەزار دینارە، سێوی دیکەشی لێیە و سندوقی بە 15 هەزار دینارە”.
وتیشی، ئەم دوو رۆژە 300 بۆ 400 سندوق سێوی فرۆشتووە و بازاڕ و کەسابەتی خراپ نەبووە.
دلۆڤان عەبدوڵاـش جوتیارێکی گوندی دێریشکێ سەربە ناحیەی کانی ماسێـیە، ئەو دەڵێت، “ناوچەکەمان بە سێو ناسراوە و لە فێستیڤاڵەکەش زیاتر خواست لەسەر سێوی ئەمریکییە”.
فێستیڤاڵی میوە و بەرهەمە خۆماڵییەکانی بەرواری باڵا لە دوێنێوە لە سنووری ناحیەی کانی ماسێ دەستیپێکردووە و تا سێ رۆژی تر بەردەوام دەبێت.
پێداچوونەوە؛ شۆڕش قادری
