تەندروستی باش بووە
لەنیای ئەسپسوار گەڕایەوە و پلەی یەكەمی بەدەستهێنا
+964
عەبدولعەزیز خالند
كچە ئەسپسواری كورد لەنیا فاخیر دوای ئەنجامدانی نەشتەرگەری و وەرگرتنی چارەسەر، گەڕایەوە پێشبڕكێیەكان و پلەی یەكەمیشی بەدەستهێنا.
ئەمڕۆ هەینی 24.10.2025 لە گوندی ئیلینجاغی سەر بە قەزای قوشتەپە، پێشبڕكێی ئەسپسواری بەڕێوەچوو، كە چەندینە ئەسپسوار و ئەسپی جیاواز لە چوار ئاستتدا بەشداربوون.
ئەوەی جێی سەرنج بوو گەڕانەوەی لەنیا فاخیری كچە ئەسپسوار بوو، كە ناوبانگی خۆی و لە ئەسپسواریدا سەرنجی هەمووانی بۆخۆی راكێشاوە.
لەنیا مانگی پێنجی رابردوو بەهۆی ئەنجامدانی نەشتەرگەری بۆ ئەژنۆی، ماوەیەكە دابڕاوە، بەڵام وەك خۆی بە 964ی وت، دووەم پێشبڕكێیە بەشداریی دەكات و پلەی یەكەمیشی بەدەستهێنا.
لەنیا سوپاسی باوكی دەكات، كە زۆر پێیەوە ماندووە، وتیشی، “ئێستا تەندروستیم باشە، بەڵام چارەسەری سروشتی وەردەگرم و هێشتا ماوە بە تەواوی چاكببمەوە”.
پێداچوونەوە: ئەرسەلان عەبدوڵا
