قسەی مامۆستایەکی ئاینییە
“فڕێدانی ناوە پیرۆزەکان حەرامە و باشتروایە ورد بکرێن”
964+
دهشتی عارف – ههولێر
مامۆستایەکی ئاینیی دەڵێت، فڕێدانی ناوە پیرۆزەکان حەرامە و باشتر وایە ئەو کارتۆن و کاغەزانەی ناوی خودا و ناوە پیرۆزەکانیان لەسەرە، فڕێ نەدرێن و بە ئامێری تایبەت ورد بکرێن.
خالید گەردی مامۆستای ئاینی و مامۆستای زانکۆ به 964ـی وت، هەر شتێک ناوی خودای گەورە یان پیرۆزییەکانی ئیسلامی لەسەر بێت، جا کاغەز بێت یان کارتۆن یان هەر شتێکی تر، فرێدانی تاوانە و ئەوەی ئەوکارە بکات، تووشی یەکێک کە گوناحە گەورەکان دەبێت”.
وتیشی، “ئامێر هەیە دەتوانیت کاغەز و کارتۆنی تێبکەی، هەمووی ورد دەکات و هیچ سیما و ناوێکی خودای لەسەر دیار نامێنێت، ئەوە دەتوانرێت بەکاربهێنرێت و شتێکی باشە”.
مامۆستا خالید گەردی داوایش دەکات، لەسەر بینا و خانووەکانیش ئایەت و حەدیس نەنووسرێن، چونکە دواجار ئەوانیش دەڕووخێن و لەناو دەچن.
پێداچوونەوە؛ شۆڕش قادری
