ویستبوویان بپەڕنەوە
چوار گەشتیار لە رووباری سیروان لە خنکان رزگار کران
964+
میلاد جەلال – گەرمیان
ئێوارەی ئەمڕۆ دووشەممە لە گوندی گەزەڵانی سەر بە قەزای دەربەندیخان، چوار گەشتیار لە رووباری سیروان گیریان خواردبوو لەلایەن بەرگریی شارستانیی قەزاکەوە رزگارکران.
کەیوان ئەحمەد، بەڕێوەبەری بەرگریی شارستانیی دەربەندیخان بە 964ـی وت، کاتژمێر 2:30 خولەکی دوای نیوەڕۆ ئاگادارکراینەوە چوار گەنج لە رووباری سیروان لە گوندی گەزەڵان گیریان خواردوە، دوای سێ کاتژمێر توانیمان رزگاریان بکەین”.
“ئەو گەنجانە ویستبوویان لە رووباری سیروان بپەڕنەوە، لەوکاتەدا ئاستی ئاوی رووبارەکە زیادی کردبوو، ئەوانیش گیریان خواردبوو”، کەیوان ئەحمەد وای وت.
ئاماژەی بەوەش کرد، بەسەلامەت ھەر چواریان لە کاتژمێر 5:30 رزگارکران لەلایەن تیمەکانمان، سێ لە گەنجەکان بەنەتەوە عەرەب بوون و ئەوی دیکەیان کورد بوو، دانیشتووی قەزای کەلار بوون.
پێداچوونەوە: توانا نەقی
