رووبەڕووی هەندرێن دەبێتەوە
شەقڵاوە خۆی گەیاندە قۆناغی هەشتی جامی کوردستان
964+
ئاسۆ وەرتی ـــ سۆران
لە قۆناغی 16ـی جامی کوردستان یانەی شەقڵاوە لەسەر یاریگای سۆران لە رواندزی بردەوە و خۆی گەیاندە قۆناغی هەشت.
یاریەکە ئەمڕۆ دووشەممە 27.2.2023، لەسەر یاریگای سۆران ئەنجامدرا.
لە سەرەتای یاریەکەدا یانەی رواندز بە ئاسێکی باشتر دەرکەوتن کۆنتڕۆڵی یاریگایان کرد، بەڵام نەیانتوانی گۆڵ تۆمار بکەن.
بەپێچەوانەوە یانەی شەقڵاوە لە خولەکی 44 گۆڵی پێشکەوتنیان تۆمار کرد و گێمی یەکەم بەم ئەنجامە کۆتایی هات.
لە خولەکەکانی 64 و 77ـی گێمی دووەمی یارییەکە، یاریزانانی شەقڵاوە دوو گۆڵی دیکەیان تۆمار کرد، بەڵام رواندز لە کۆتاییەکانی یارییەکە تاکە گۆڵی شەڕەفیان تۆمار کرد و ئەنجامی یارییەکەش بە سێ گۆڵی بەرامبەر گۆڵێک لە بەرژەوەندی شەقڵاوە کۆتایی هات.
بەو ئەنجامەش بێت، یانەی شەقڵاوە لە قۆناغی هەشت لەسەر یاریگای خۆی میوانداری یانەی هەندرێن دەکات.
پێداچوونەوە: فەرمان سادق
