نەمامەکانی بوون بە دار و شۆستە و شەقامەکانی دەربەندیخانیان ئاوەدان کردەوە - وێنە؛ سەرۆکایەتی شارەوانی دەربەندیخان
پێنج ساڵ لەمەوبەر هاوڵاتییەک خۆبەخشانە کارەکەی کردووە
نەمامەکانی بوون بە دار و شۆستە و شەقامەکانی دەربەندیخانیان ئاوەدان کردەوە
964+
شۆڕش قادری
پێنج ساڵ لەمەوبەر هاوڵاتییەکی دەربەندیخان دەستیکردووە بە نەمام چاندن لەسەر شۆستە و شەقامەکانی دەربەندیخان، ئێستا بوون بە دار و دیمەنێکی جوانیان بە شارەکە بەخشیوە.
هاوڵاتییەک بەناوی شاڵاو مەحمود مانگی 8ـی 2020 چەند نەمامێکی لەسەر شۆستەی یەکێک لە شەقامەکانی دەربەندیخان چاندووە، سەرۆکایەتی شارەوانی دەربەندیخان چەند وێنەیەکی ئەو کات و ئێستای نەمامەکانی بڵاوکردووەتەوە و دەردەکەوێ ئێستا ئەو نەمامانە بوون بە چەند درەختێکی سەوز و باڵابەرز و شەقامەکەیان ئاوەدان کردووەتەوە.
شارەوانی دەربەندیخان سوپاسی ئەو هاوڵاتییە دەکات و دەڵێت، “هیوادارین نمونەی زۆر بێت و هاوڵاتیان هاوکارمان بن لە سەوزکردنی شارە خۆشەویستەکەمان”.
سێ مێردمنداڵ زیانیان بە درەختەکانی باخچەیەکی دەربەندیخان گەیاند؛ دەستگیر کران
