قوتابی - فۆتۆ 964
لە عێراق
بە بەشداریی 12 ملیۆن قوتابی خوێندنی وەرزی نوێ دەستیپێكرد
964+
ئەرسەلان عەبدوڵا
ئەمڕۆ یەکشەممە، ساڵی نوێی خوێندن بە بەشداری زیاتر لە 12 ملیۆن قوتابی لە سەرجەم ئاستەکانی خوێندن لە عێراق دەستیپێکرد.
هەر قوتابییە و بە جانتای شانییەوە و بە رێكپۆشی بەرەو قوتابخانەکانیان رۆیشتن و كاتژمێر 8:00ی ئەمڕۆ یەكشەممە 21.9.2025 وەرزی نوێی خوێندن دەستیپێكرد.
وەزارەتی پەروەردەی عێراق رایگەیاند، دەستپێکردنی ساڵی خوێندن لەکاتێکدایە پلان و بەرنامەکان بە ئامانجی باشترکردنی ژینگەی خوێندن و دابینکردنی پێداویستییە سەرەتاییەکانە.
ئاماژەیان بەوەشکردووە، ستافی وانەوتنەوە و کارگێڕی، ئامادەکارییەکانیان بۆ ساڵی نوێ تەواوکردووە.
هاوكات لە هەرێمی كوردستان یەك ملیۆن و 800 هەزار قوتابی روویان لە قوتابخانەكان كرد و سەرەڕای نەبوونی مامۆستایان و فەرمانبەران، بەڵام دەرگای قوتابخانەكان كرانەوە.
هەروەها 143 هەزار قوتابی بۆ یەكەمجارە لە خوێندن ناونووس كراون و لە پۆلی یەكەمەوە بەشدار دەبن.
