نرخى نەوت دابەزى
نرخى نەوت دابەزى
964+
وریا فەتاح
دواى ئەوەى چەند رۆژێک بوو نرخى نەوت بەرەو بەرزبوونەوە هەنگاوى دەنا، ئەمڕۆ جارێکى تر نرخەکەى رووى لە دابەزین کردەوە.
ئەمڕۆ پێنجشەممە 18.9.2025 و لەکاتی کردنەوەی بازاڕی جیهانیی نەوت، نرخی یەك بەرمیل نەوتی برێنت بە 67 دۆلار و 75 سەنت دیاری کراوە و بەڕێژەى 0.20% تووشى دابەزین بووە.
هەروەها نرخی یەك بەرمیل نەوتی تێكساس بە 63 دۆلار و 79 سەنت مامەڵەی پێوەدەکرێت و بەهەمانشێوە بەڕێژەى 0.26%، دابەزیوە.
هەفتەی رابردوو و دوای هێرشەکەی ئیسرائیل بۆ سەر کۆبوونەوەیەکی سەرکردەکانی حەماس لە دەوحەی پایتەختی قەتەر، نرخی نەوت بەخێرایی بەرزبووەوە، بەڵام ئەو بەرزبوونەوەیە زۆری نەخایاند و چەند کاتژمێرێک دوای هێرشەکە جارێکی تر سەربەرەوخوار بووەوە.
