لەناو بۆدییەکەدا بووە و زیخەکەی بەسەردا کراوە
سایەق گەڵابەیەکدا کەوتە ژێر زیخی شۆفڵێک و گیانی لەدەستدا
964+
شڤان عەبدوڵا – زاخۆ
لە سنووری کۆمەڵگای پیشخابوور سایەق گەلابەیەک کەوتە ژێر کێلەیەک زیخی شۆفڵێک و گیانی لەدەستدا.
پاشنیوەڕۆی ئەمڕۆ سێشەممە 16.9.2025 لە کارگەیەکی لم و بەردی سنووری کۆمەڵگای پیشخابوور، سایەق گەڵابەیەک بەناوی (ح،ا،م) تەمەن (55) ساڵ لەناو بۆدی گەڵابەکەی کەوتە ژێر زیخ و گیانی لەدەستدا.
موقەدەم ئەحمەد رەمەزان وتەبێژی پۆلیسی زاخۆ بە 964 وت، رووداوەکە بەوشێوەیە بووە کە گەڵابەیەک لە کارگەکە راگیراوە بۆ ئەوی زیخی تێبکەن و بیگوازنەوە، دوای ئەوەی بە شۆفڵ زیخەکەی تێکراوە، شۆفێرەکەی دیار نەماوە، دوای چەند کاتژمێرێک زیخەکەیان بەتاڵ کردووە و بینیویانە کە کەوتووەتە ژێر زیخەکە، بۆیە پێدەچێت بەهەڵە رووداوەکە روویدابێت.
ئاماژەی بەوەشکرد، بەپێ مادەی 411 لەیاسای سزادانی عیراقی پەڕاوی لێکۆلینەوە بۆ دوسیەکە کراوەتەوە، شۆفێری شۆفڵەکەش دەستبەسەر کراوە و لێکۆڵینەوە لەگەڵی بەردەوامە.
ئەو کەسەی گیانی لەدەستداوە دانیشتووی قەزای سێمێلە لە پارێزگای دهۆک، تەرمەکەشی رەوانەی پزیشکی دادی زاخۆ کراوە.
پێداچوونەوە؛ شۆڕش قادری
زاخۆ.. بارهەڵگرێک خۆی بە پۆلیسێک کێشا
