دیمەنی زانکۆی گەرمیان وێنە: سۆشیاڵ میدیا
کشتوکاڵ و ئەندازیاری تەلارسازی
دوو بەشی نوێ لە زانکۆی گەرمیان کرانەوە
964+
توانا نەقی
وەزارەتی خوێندنی باڵای هەرێم رەزامەندی دەربڕی لەسەر کردنەوەی دووبەشی نوێ لە زانکۆی گەرمیان بۆ ئەمساڵی خوێندن.
زانکۆی گەرمیان بڵاویکردەوە، هەریەکە لە بەشەکانی گەشتوکاڵ و ئەندازیاری تەلارسازی سەر بە سەرۆکایەتی زانکۆی گەرمیان بۆ ساڵی خوێندنی 025 – 2026 کرایەوە و وەزارەتی خوێندنی باڵا و توێژینەوەی زانستی بەڕێوەبەرایەتی دڵنیایی جۆری و متمانەبەخشین بە دوو نوسراوی جیا رەزامەندی لەسەر کردنەوەی هەردوو بەشەکە دەربڕی.
ئاماژە بەوەشکراوە، بەشی گەشتوکاڵ، بۆ یەکەمجارە لە زانکۆکانی هەرێمی کوردستان لە زانکۆی گەرمیان دەکرێتەوە و تێکەڵەیەکە لەنێوان هەردوو پسپۆڕی گەشتوگوزار و کشتوکاڵ و بەشێکی سەردەمیانەی گرنگە.
زانکۆکە ئەوەی باسکردووە، لە ماوەی رابردوو پرۆپۆزڵی کردنەوەی 10 بەشی زانستیی نوێ ئامادەکرا و بۆ وەزارەتی خوێندنی باڵا و توێژینەوەی زانستی بەرزکرایەوە، دواتر کردنەوەی بەشەکانی ( زانستە گشتییەکان لە کۆلێجی پەروەردەی بنەڕەت، خۆراک و خۆراکزانی لە کۆلێجی زانست، ژمێریاریی ئەلیکترۆنی، پەرپێدان و پلاندانانی شار، سیستمە سیاسییەکان و سیاسەتی گشتی) بۆ ساڵی خوێندنی 2025 – 2026 پەسەندکرا.
ماوەی زیاتر لە شەش ساڵە هیچ بەشێکی زانستی لە زانکۆی گەرمیان نەکراوەتەوە و بەهۆی کەمبوونەوەی خواستی خوێندنیش لەسەر ژمارەیەک لە بەشەکان، ژمارەی خوێندکارانی زانکۆکە بەرەو کەمبوونەوە چووە و ئەوەش کاریگەریی نەرێنی لەسەر رانکی زانکۆ و گەشەکردنی ھەبووە، زانکۆی گەرمیان وادەڵێت.
