کۆبوونەوەی ئەنجومەنی وەزیران
كارنامە چییە؟
ئەمڕۆ ئەنجومەنی وەزیرانی كوردستان كۆبوونەوەی هەیە
964+
ئەرسەلان عەبدوڵا
ئەمڕۆ چوارشەممە 10.9.2025 ئەنجومەنی وەزیرانی كوردستان كۆدەبێتەوە، كارنامەی كۆبوونەوەكەش ئاشكرا كرا.
پەیجی فەرمیی حكومەتی هەرێمی كوردستان بڵاویكردەوە، لە كۆبوونەوەی ئەمڕۆی ئەنجومەنی وەزیران كۆنووسی هاوبەشی وەزارەت و لایەنە پەیوەندیدارەكان لە رۆژی 2ی 9ی 2025، تایبەت بە پێشنیاریان سەبارەت بە پیادەكردنی یاسای راژە و خانەنشینیی پێشمەرگە ژمارە (38)ی ساڵی 2007 دەخرێتە ڕوو.
هاوكات چاوەڕوان دەكرێت ئەنجام و پێشهاتەكانی كۆبوونەوە بەردەوامەكانی نێوان شاندی هەرێم و بەغدا، سەبارەت بە هەناردەكردنەوەی نەوتی هەرێم و بابەتی چارەسەركردنی موچەی فەرمانبەرانی كوردستان بۆ مانگەكانی حەوت و هەشت، بەشێكی دیكەی ئەجێندای كۆبوونەوەی ئەمڕۆی ئەنجومەنی وەزیرانی كوردستان بێت.
