زیاتر لە یەک تۆن و نیو پلاستێک و شوشەیان لێ فڕێدابوو
دوای هەواڵێکی 964 بناری شاخی هەیبەت سوڵتان لە قەزای کۆیە پاککرایەوە
964+
دەریا ئەحمەد _ کۆیە
ئەمڕۆ 9.9.2025 گەشتوگوزاری کۆیە هەڵمەتێکی پاککردنەوەی بناری شاخی هەیبەت سوڵتانی ئەنجامدا، ئەمەش دوای ئەوەی ڕۆژی هەینی ڕابردوو پەیامنێری 964 بە دواداچونێکی ڕۆژنامەوانی لەسەر پیسبوونی ژینگەی ناوچەکە کرد و پەیوەندی بە بەڕێوەبەری گەشتوگوزاری کۆیە کرد.
ئیسماعیل عەبدوڵا بەڕێوەبەری گەشتوگوزاری کۆیە بە 964ـی وت، لەو هەڵمەتەی ئەمڕۆ دەستیان پێکرد زیاتر لە یەک تۆن و نیو پلاستێک و شوشەیان کۆکردووەتەوە و ناوچەکەیان بە تەواوی پاککردەوە.
وتیشی “تکا لە گەشتیاران دەکەم ئەو ژینگە جوانە بپارێزن و بە ماڵی خۆیانی بزانن”.
هەیبەت سوڵتان یەکێکە لەو شوێنانەی کە خەڵکی کۆیە بۆ گەشت و کات بەسەربردن زۆربەی کات رووی تێدەکەن، چونکە ناوچەیەکی ئارامە و نزیکە لە ماڵەکانیانەوە، بەڵام لە ماوەی رابردوو بەهۆی پیسبوونی ژینگەکەوە، چۆڵ ببوو لە گەشتیار.
پێداجوونەوە؛ فەرهاد حەسەن
لە کۆیە سێ ساڵە درەخت هێمایەکى هاتوچۆى شاردووەتەوە
