رۆژانە زیاتر لە 130 تۆن زبڵ کۆدەکرێتەوە
هەڵمەتێک بۆ پاککردنەوەی بەحرکە دەستیپێکرد؛ 30 حاویەی تازەش دانران
964+
رێباز خدر – هەولێر
تیمەکانی شارەوانی بەحرکە قۆڵیان هەڵماڵی و هەڵمەتێکیان بۆ پاککردنەوەی کوچە و کۆڵانەکانی قەزاکە دەستپێکرد، 30 حاویەی تازەشیان لەسەر جووتسایدی بەحرکە دانا، بەو هیوایەی زبڵ و خاشاکیان تێبکرێت و ئیدی شەقامەکە پیس نەکرێت.
مەموند عەبدولوەهاب، سەرۆکی شارەوانی بەحرکە بە 964ـی وت، “وەک شارەوانی بە بەردەوامی هەڵمەتی لەو شێوەیەمان هەیە و چاودێری ئەو شوێنانە دەکەین کە حاویەی زبڵیان بۆ دانراوە، ئەگەر حاویەکان کۆن بن و شکابن، دەگۆڕدرێن و حاویەی تازەیان بۆ دادەنرێت”.
وتیشی، “بەگشتی خەڵک پابەند نییە بە پاک و خاوێنی پاراستنی ژینگەی قەزاکە، داوا دەکەم هاوکارمان بن بۆ پاک راگرتنی پارک و شوێنە گشتییەکان، تا بتوانین سیمایەکی جوان و ژینگەیەکی پاک و خاوێن بۆ قەزاکە دابین بکەین”.
لە قەزای بەحرکە، رۆژانە زیاتر لە 130 تۆن، زبڵ و خاشاک لەلایەن تیمەکانی شارەوانییەوە کۆدەکرێتەوە و فڕێ دەدرێت.
پێداچوونەوە؛ شۆڕش قادری
لە هەڵمەتێکی دوو رۆژەدا زیاتر لە 100 تۆن خۆڵ و خاشاک کۆکرایەوە
