پارەی عێراقی جۆری 25 هەزار دیناری _ وێنە: 964
چەندین مانگە دوادەكەوێت
خانەنشینانی عێراق موچەیان وەرنەگرتووە و وەزارەتی داراییش روونكردنەوە دەدات
964+
محەمەد فاتیح
خانەنشینانی عێراق زۆر نیگەرانن كە چەندین مانگە موچەكانیان دوادەكەوێت و تائێستاش موچەی ئەم مانگەیان وەرنەگرتووە، وەزارەتی داراییش دڵنیایی دەدات، كە كێشەكە تەكنیكییە و پارە لەبەردەستدایە.
بەپێی راگەیەندراوێكی وەزارەتی دارایی عێراق، دواكەوتنی موچەی فەرمانبەران بۆ ئەم مانگە دەگەڕێتەوە بۆ چەند كێشەیەكی تەكنیكی پەیوەست بە سیستمی ئاڵوگۆڕی پارە و هیچ پەیوەندییەكی بە نەبوونی پارەوە نییە.
دووپاتیشیكردەوە، پارەی موچەی ئەم مانگەی خانەنشینان ئامادەیە و تیمی هونەری بە هەماهەنگی لەگەڵ لایەنی پەیوەندیدار بەردەوامن لە كاركردن بۆ چارەسەركردنی كێشەكە.
لەلایەن خۆیانەوە خانەنشینانی عێراق نیگەرانی خۆیان دەربڕیوە لەوەی، كە موچەكەیان دواكەوتووە و هەمیشە ئەوان پشتگوێدەخرێن و چەندین مانگە دابەشكردنی موچەكانیان لە كاتی دیاریكراوی خۆیدا دوادەكەوێت.
