گومانیان دروست کردبوو
لە بازگەکانی عێراق رێگری لە بەرهەمی جوتیارانی پێنجوێن دەکرێت
964+
کامیار کەمال- پێنجوێن
ئەمڕۆ وەفدێکی وەزارەتی کشتوکاڵی عێراق سەردانی عەلوەی پێنجوێنیان کرد تاوە کێشەی جوتیاران لە سنورەکە چارەسەر بکەن و هاوکات دڵنیا ببنەوە لە رێژەی بەرهەمی پێنجوێن.
ئارام مکڵی ئەندامی ئەنجومەنی جوتیارانی پێنجوێن بە 964ـى راگەیاند، وەفدەکە نوێنەری وەزارەتی کشتوکاڵی عێراق و ئەندامێکی پەرلەمانی کوردستانیان لەگەڵ بووە و لەگەڵ جوتیارانی قەزاکە کۆبوونەتەوە.
وتیشی “یەکێک لە کێشەکان ئەوەبوو کە سندوقی تەماتەکان ژمارە و کۆدی ئێرانی لەسەربووە و گومانیان هەبووە ئەو بەرهەمە ئێرانی بوبێت و بە قاچاغ داخڵ بوبێت بۆیە راگیرابوو”.
کارێکی دیکەی وەفدەکە ئەوەبوو کە بزانن رێژەی کشتوکاڵی پێنجوێن چەندە و پێداویستی بازاڕی عێراق پڕ دەکاتەوە یاخود نا، دوای گەڕان بەناو عەلوەکەدا بڕیاردراوە تاوەکو رۆژی 1.10.2025 تەماتە داخڵ نەبێت و ئەنجومەنی جوتیارانیش هەوڵدەدەن بۆ ئەوەی تاوەکوو رۆژی 20.10.2025 وادەکە درێژبکەنەوە.
سەبارەت بە کاری قاچاغیش ئارام مکڵی دەڵێت، بەرپرسانی سنورەکە بەدەمیانەوە هاتوون و هیچ بارێکی قاچاغ لە کوردستانەوە داخڵ نەکراوە بەڵام ئەگەر قاچاغی رێگری لێنکرێت و لە خوارووی عێراق داخڵ دەبێت.
پێداچوونەوە؛ فەرهاد حەسەن
عەلوەی نوێی سەوزە و میوەی پێنجوێن کرایەوە
