زیاتر لە 60 جۆری لە فێستیڤاڵ نمایش کراون
ترێی رواندز دەرجە یەکە بەڵام جوتیاران کێشەی ساغ بوونەوەیان هەیە
964+
ئاکام غەفور – سۆران
لە قەزای رواندز فێستیڤاڵی ترێ بە بەژداری زیاتر لە 30 جوتیار بەڕێوەدەچێت و زیاتر لە 60 ترێی جۆراوجۆری ناوچەکە نمایش کراون.
ئیبراهیم کەریم جوتیارێکی رواندزە و بۆ 964 دەڵێت، لە سنووری رواندز ترێیەکی زۆر باشمان هەیە بەڵام کێشە لەوەیە ساڵانە بەرهەمەکانمان ساغ نابێتەوە، دواکارین کارگەریەکی دروست کردنی شەربەت لە ناوچەکەمان بکرێتەوە.
مستەفا حاجی، جوتیارێکی ترە و بە ترێی رەشمیری بەژدارە، دەڵێت، ئەم جۆری ترێیە دەنکی گەورەیە و مانەوەی باشە بۆ مێوژیش دەبێت.
لە سنووری ئیدارەی سەربەخۆی سۆران، 18 هەزار دۆنم زەوی کراوە بە رەز، تەنها لە سنووری قەزای رواندز 600 باخی ترێ هەیە.
پێداچوونەوە: توانا نەقی
