پڕۆژەیەکى کەلار
ئاگر لە ژمارەیەک کابینەى شوێنى مانەوەى کرێکاران کەوتەوە
+964
میلاد جەلال _ کەلار
بەیانى ئەمڕۆ، ئاگر لە ژمارەیەک کابینەی شوێنی مانەوەی کرێکارەکانی یەکێک لە پرۆژەکانی نیشتەجێبونەکانى دەروازەی قەزای کەلار کەوتەوە.
تیمەکانى بەرگرى شارستانى کەلار، بەزوویى گەشتە شوێنەکە و ئاگرەکەیان کوژاندەوە، بەڵام کابینەکان بەتەواوەتى سووتان و هیچ زیانێکى گیانى لێنەکەوتەوە، بەڵام کەلوپەلى کرێکاران و ژمارەى مۆبایل و پێداویستییەکانیان سووتان.
تائێستا نازانرێت هۆکارى ئاگرەکە چى بووە، بەڵام گومانەکان بەو ئاراستەیەن بەهۆى شۆرتى کارەبا، روویدابێت.
پێداچوونەوە: وریا فەتاح
