کامێرای دیاریکردنی تیژڕەوی _ وێنە: 964
وەزارەتی ناوخۆی هەرێم:
کامێراکانی تیژڕەوی تابلۆی ناوەڕاست و خوارووی عێراقیش دەگرێت
964+
توانا نەقی
ئەو ئۆتۆمبێلانەی کە تابلۆکانیان هی پارێزگاکانی ناوەڕاست و خوارووی عێراقەرەنگە وابزانن کە بدەن لە کامێرای چاودێری لە هەرێم نەیانگرێت بەڵام وەزارەتی ناوخۆ دەڵێت جیاوازی نییە و دەیخوێنێتەوە.
وەزارەتی ناوخۆی هەرێم ئاگادارینامەیەکی بڵاوکردووەتەوەو دەڵێت، کامێراکانی تیژڕەوەی لە هەرێم سەرجەم تابلۆکانی ناوەڕاست و خوارووی عێراق دەگرێت و هەوڵی خێرا لێخوڕین مەدەن.
ئاماژەی بەوەشکراوە، تەنانەت ئەگەر تابلۆی ئۆتۆمبێلەکەتان هی شارەکانی ناوەڕاست و باشووری عێراق یان تابلۆی بیانی بێت، پێویستە پابەندی ڕێنماییەکانی هاتوچۆ بن، کامێراکانی تۆمارکردنی تیژڕۆیی لە هەرێمی کوردستان، هەموو جۆرە تابلۆیەک تۆمار دەکەن و دواتر سزای دارایی دەدرێن.
