بوومەلەرزەیەک شارەزووری هەژاند

964+

ئەحمەد محەمەد – سلێمانی

بوومەلەرزەیەک بە گوڕی 3.7 پلە بەپێوەری ریختەر دەشتی شارەزووری هەژاند و هیچ زیانێکی لێنەکەوتووەتەوە.

جەوهەر حەمەلاو بەڕێوەبەری کەشناسی و بوومەلەرزەزانی سلێمانی بە 964ـی وت، “کاتژمێر 10:46 خولەکی ئەمشەو 18.8.2025 بوومەلەرزەیەک دەشتی شارەزوور و قەزای سەیدسادقی هەژاند”.

ئاماژەی بەوەشکرد، بەپێی خوێندنەوەی ئامێرەکانیان گوڕەکەی 3.7 پلە بەپێوەری ریختەر بووە، بەڵام زانیارییەکان سەرەتایین و هێشتا شیکاری تەواوەتی بۆ نەکراوە.

جەوهەر حەمەلاو وتیشی، بوومەلەرزەکە هیچ زیانێکی گیانی و ماددی نەبووە.

بە گوێرەی زانیاریەکانی پەیامنێرانی 964، بوومەلەرزەکە لە سلێمانی، هەڵەبجە، سەیدسادق و بەشێکی پێنجوێنیش هەستی پێکراوە.

پێداچوونەوە؛ شۆرش قادری

بوومەلەرزەیەک بە پلەی 5.8 روویدا