سەرۆكایەتیی شارەوانیی هەولێر
سەرۆكایەتیی شارەوانیی هەولێر
”ئەو كەسەی تەلەفۆنتان بۆ دەكات پەیوەندی بە ئێمەوە نییە”
964+
ئەرسەلان عەبدوڵا
سەرۆكایەتیی شارەوانیی هەولێر لە روونكردنەوەیەكدا باسی ئەوە دەكات، ئەو كەسەی بە ژمارە تەلەفۆنێكی دیاریكراو تەلەفۆن بۆ هاوڵاتییان دەكات و داوایان لێدەكات بۆ مامەڵەكانیان سەردانی شارەوانی بكەن، پەیوەندیی بەوانەوە نییە و رووبەڕووی یاساشی دەكەنەوە.
ئەمڕۆ دووشەممە 18.8.2025 سەرۆكایەتیی شارەوانیی هەولێر لە روونكردنەوەیەكدا دەڵێت: “ماوەی چەند رۆژێكە كەسێكی نەناسراو بە ژمارە مۆبایلی ساختەی (07814100363) نامە بۆ هاوڵاتیانی بەڕێز دەنێرێت، كە سەردانی سەرۆكایەتیی شارەوانیی هەولێر بكەن بۆ مەبەست و مامەڵەی جیاجیا، لێرەوە هاونیشتمانیانی خۆشەویست ئاگادار دەكەینەوە، كە ئەو ژمارە مۆبایلە دوور و نزیك پەیوەندی بە سەرۆكایەتیی شارەوانی هەولێرەوە نییە”.
هەروەها ئاماژە بەوەش دەكەن، “رێكاری یاسایی بەرامبەر ئەو كارە ساختەكارییە دەگرینەبەر”.
