دیمەنی تانکەرەکە و رێگەکە وێنە: پۆلیسی دارستان و ژینگەی سلێمانی
رۆنی رەشی لەسەر شەقام رشتووە
لە سنوری ناڵپارێز شۆفێرێك دەستگیر کرا
964+
ژێوار خدر
شۆفێرێکی تانکەر لە ناحیەی ناڵپارێز دەستگیرکرا، بەهۆی رشتنی رۆنی رەش لەسەر شەقام و دروستکردنی ئاستەنگی هاتوچۆ.
پۆلیسی دارستان و ژینگەی سلێمانی رایگەیاند، دوێنێ یەکشەممە 17.8.2025 مەفرەزەیەكی بنکەی پۆلیسی دارستان و ژینگەی ناڵپارێز شۆفێری تانکەرێکیان دەستگیرکردووە، کە رۆنی رەشی بارکردبوو.
دەشڵێت، بەهۆی لێچوون و رژانی رۆنی تانکەرەکە لەسەر شەقامی سەرەکی نێوان پێنجوێن – سەیدسادق، ئاستەنگی هاتوچۆ دروست بوو، کە مەترسی بۆ شۆفێران دروست کردبوو.
روونیشیکردەوە، دەستیانگرتووە بەسەر تەنکەرەکەدا و پەڕاوی لێکۆڵینەوەی بۆ کراوەتەوە .
