یەكێك لە كێڵگە نەوتییەكانی زاخۆ کە بە درۆن هێرشی کرایەسەر
"عێراقیش دەزانێت"
وەزیرى ناوخۆ: دەزانین درۆنەکان لەکوێ دروستدەکرێن و لەکوێوە هەڵدەدرێن
964+
ژووری هەواڵ
وەزیرى ناوخۆى حکومەتى هەرێمى کوردستان رایگەیاند، دەزانن ئەو درۆنانەی کە ئاراستەی کێڵگە نەوتییەکانی هەرێمی کوردستان دەکران، لەکوێ دروست دەکرێن و لەکوێوە هەڵدەدرێن.
ئەمڕۆ یەکشەممە 3.8.2025، رێبەر ئەحمەد، وەزیرى ناوخۆى حکومەتى هەرێمى کوردستان لە کۆنفرانسێکى رۆژنامەوانیدا رایگەیاند، “بۆ ئەوان و عێراقیش دیارە ئەو جۆرە درۆنانە هی کێن”.
لە ماوەی رابردوودا بە زیاتر لە 60 درۆن، کێڵگە نەوتییەکانی هەرێمی کوردستان کرانە ئامانج و بۆردومانکران.
وەزیرى ناوخۆى حکومەتى هەرێمى کوردستان بەبۆنەی 11ـیەمین ساڵیادی جینۆسایدی شنگال قسەیکرد و وتی، شنگال بەشێکی دانەبڕاوە لە هەرێمی کوردستان، “جێگەی داخە رێککەوتنی شنگال تاوەکو ئێستا جێبەجێنەکراوە و هۆکارەکەش حکومەتی فیدراڵە”.
وەزیرى ناوخۆ وتیشی، پێویستە دادگایەکى تایبەت هەبێت تاوەکو سزاى چەکدارانی داعش بدات و مافى ئێزیدییەکان بپارێزرێت.
