تەرمی ئەو هاوڵاتییەی لە مێرگەسۆر خنکا دۆزرایەوە

964+

شۆڕش قادری

تەرمی ئەو هاوڵاتییەی لە قەزای مێرگەسۆر خنکا دۆزرایەوە کە خەڵکی هەولێرە و خێزاندارە و باوکی سێ منداڵ بوو.

“تیمەکانی مەلەوانی لە قەزای مێرگەسۆر و سۆران توانیان تەرمی هاوڵاتی رێکار عەبدوڵا تەمەن 29 ساڵ لەنێو رووبار بدۆزنەوە و رەوانەی نەخۆشخانە گشتی بلێ کراوە”، بەڕێوەبەرایەتی بەرگری شارستانی سۆران لە راگەیەنراوێکدا وادەڵێت.

ئاماژە بەوەشکراوە، ئەو هاوڵاتییە دانیشتوی شاری هەولێر بوو، بەمەبەستی گەشت رووی لەو دەڤەرە کردبوو کە خێزاندار بووە و باوکی سێ منداڵ بوو.

ئەو هاوڵاتییە نیوەڕۆی ئەمڕۆ شەممە 2.8.2025 لە رووبارى دلانى سنوورى قەزاى مێرگەسوور خنکا و بەقسەی رەوەند هاودیانی وتەبێژی بەرگری شارستانی سۆران ئەمساڵ ئەوە شەشەم حاڵەتى خنکانە کە لە سنوورى ئیدارەى سەربەخۆى سۆران تۆمار دەکرێت.

بەرگری شارستانی سۆران بەدوای سێ تەرمدا دەگەڕێت

ئاو و ئاگر ئامانی نییە؛ گەشتیارەکانی سۆران لەسەر خنکان چی دەڵێن؟