لە چەمچەماڵ لە 60 شوێنەوە زیادەڕۆیی کراوەتەسەر هێڵی ئاو

964+

شۆڕش قادری

لەم وشکەساڵی و بێ ئاوییەدا، لە چەمچەماڵ لە 60 شوێنەوە زیادەڕۆیی کراوەتە سەر هێڵی سەرەکی ئاوی خواردنەوە، قایمقامیەت پێیزانی و سەرپێچیکارانی سزادا.

بەپێی راگەیەنراوێکی قایمقامیەتی چەمچەماڵ، هەڵمەتی بڕینی زیادەڕۆییەکان لەلایەن بەڕێوەبەرایەتی ئاوی قەزاکە و هێزەکانی ئاسایشی رۆژئاوای سلێمانی، بەردەوامە و هەشت زیادەڕۆیی دیکەیان لابردووە.

ئاماژە بەوەشکراوە، زیادەڕۆییەکان لەلایەن 60 شوێنەوە بە هاوبەشی لە هەشت  شوێنی جیاجیا کرابوونە سەر هێڵی سەرەکی ئاوی چەمچەماڵ، دوای بڕینی زیادەرۆییەکان بەڵێنامەیان پێ پڕکراوەتەوە و لەکاتی دووبارەکردنەوەی ڕووبەڕووی توندترین سزا دەبنەوە.

قایمقامیەتی چەمچەماڵ راشیگەیاندووە، هەڵمەتەکە بەردەوام دەبێت و لە رۆژانی داهاتوشدا تیمەکان چالاکی دیکەیان دەبێت، بەردەوام چاودێری ئەو شوێنانە دەکرێت کە زیادەڕۆییەکەیان لابراوە و لەکاتی دووبارەکردنەوەدا دەستگیردەکرێن.

+2

تانکەری ئاو نەبێ چەمچەماڵ و شۆڕش بێ ئاویی دەیانخنکێنێ

لەبەر بێ‌ ئاوی كێشە بۆ چەند گوندێكی چەمچەماڵ دروست بوە