12 ملیۆن سەردانیکەر لە شەقامەکانن

+964
فەهمی نەبی

بەپێی راگەیەندراوی “دەستەی گشتی کازمییەی پیرۆز”، لە مەراسیمەکانی یادی “شەهید بوونی ئیمام موسای کازم” نزیکەی 12 ملیۆن کەس وەک سەردانیکەر بەشداریان کردووە.

هەموو ساڵێک پەیڕەوکارانی شیعە مەزهەب لە 25 -ی رەجەب بەپێی ساڵی هیجری، سەردانی گۆڕی ئیمام موسا دەکەن لەشاری بەغدا.

هەر لە راگەیەنراوەکە ئەوە هاتووە، پێنج هەزار کەس وەک خۆبەخش لە مەراسیمەکەدا لە کاروانەکانی خزمەتکردنن، جگە لەوەی 83 دامەزراوەی راگەیاندن روماڵی مەراسیمەکە دەکەن.

ئیمام موسای جەعفەر، کە نازناوەکەی کازمە، حەوتەمین ئیمامە لە دوانزە ئیمامەکەی شیعە، بەپێی ساڵی هیجری لە 25 -ی رەجەبی ساڵی 183  کە رێککەوتە بەپێی ساڵی زاینی دەکاتە چواری ئەیلولی 799، لەتەمەنی 55 ساڵیدا “شەهید” کراوە.