خورماتوو
عەرەبی هاوردە هەوڵی دەستبەسەرداگرتنی 2500 دۆنم زەوی جوتیارانى کورد دەدەن
964+
کاروان ساڵحى- کەرکوک
عەرەبی هاوردە بە پاڵپشتی پۆلیسی فیدراڵی و دادگا، هەوڵی دەستبەسەرداگرتنی 2500 دۆنم زەوی جوتیارانی کوردی گوندی تەپەسەوز لە دووزخورماتوو دەدەن و دانیشتوانی گوندەکەش بۆ رووبەڕووبوونەوە کۆبوونەتەوە.
شەماڵ کاکەخان، دانیشتووی گوندی تەپەسەوز بە 964ـى وت،”ئەمڕۆ لەلایەن کەسانى نزیک لە خۆمان ئاگادارکراینەوە کە عەرەبی هاوردەی گوندی حلێوە بە پاڵپشتی پۆلیسی فیدراڵی و دادگا دەیانەوێت بێنە سەر گوندەکەمان و دەست بەسەر زەوییەکانماندا بگرن”.
“ئەو زەوییە 2500 دۆنمە و موڵکی باوباپیرانمانە و تاپۆمان هەیە، بۆیە سەرجەم خەڵکی گوند و خزمانمان ئاگادارکردووەتەوە بەپەلە خۆیان بگەیەننە ناو گوند بۆ رێگریکردن و رووبەڕووبوونەوە”، شەماڵ کاکەخان واى وت
پێداچوونەوە: وریا فەتاح
