بۆچى؟
باڵیۆزخانەى ئەمریکا لە بەغدا چۆڵى دەکات
964+
وریا فەتاح
بەرپرسێکى ئەمنى عێراقى و سەرچاوەیەکى ئەمەریکى ئاشکرایان کردووە کە باڵیۆزخانەى ئەمریکا لە عێراق، ئامادەکارى دەکات بۆ چۆڵکردنى باڵیۆزخانەکە بەهۆى زۆربوونى مەترسییە ئەمنییەکان.
ئاژانسى هەواڵى رۆیتەرز لە زارى سەرچاوەیەکى ئەمنى عێراقى و سەرچاوەیەکى ئەمریکى، هەواڵەکەى بڵاوکردووەتەوە.
پێدەچێت ئامادەکارى چۆڵکردنى باڵیۆزخانەکە، پەیوەست بێت بە هەڕەشەکانى ئێرانەوە بە تایبەت دواى ئەوەى وەزیرى بەرگرى ئێران هۆشداری دا لە ئەگەرى شکستى دانوستانە ئەتۆمییەکان و رایگەیاند: ئەگەر دانوستانەکان شکست بهێنن ئێران دەسەوسان نابێت و بنکەکانى ئەمەریکا لە ناوچەکە، دەکاتە ئامانج.
وەک ئەوەى بەرپرسێکى ئەمریکى بە رۆیتەرزى وتووە، بەهۆى نیگەرانییە ئەمنییەکان و بەشێکى باڵیۆزخانەکە چۆڵکراوە.
لەبارەى بنکەى ئاسمانى عودەیدە لە قەتەر کە گەورەترین بنکەى سەربازى ئەمریکایە لە رۆژهەڵاتى ناوەڕاست، ئەو بەرپرسە ئاشکراى کردووە کە هیچ فەرمانێکى چۆڵکردن بۆ کارمەندان یان خێزانەکانیان دەرنەچووە و وەک هەمیشە کار دەکەن.
