شاندی بازرگانانی چین لەگەڵ پارێزگاری هەولێر. فۆتۆ: راگەیاندنی پارێزگا
شاندێكی بازرگانییان هاتوون
چینییەكان پلانیان هەیە لە هەولێر كاری زۆر بكەن
964+
ئەرسەلان عەبدوڵا
شاندێكی بازرگانانی وڵاتی چین لە هەولێرن و بە پارێزگاریان وتووە، بەتەمان چەندین پڕۆژەی كارەبا و تەكنەلۆژی لە هەولێر ئەنجام بدەن.
راگەیاندنی پارێزگای هەولێر ئەمڕۆ یەكشەممە 25.5.2025 بڵاویكردەوە، پارێزگاری هەولێر ئومێد خۆشناو پێشوازیى لە شاندێکى بازرگانیى وڵاتى چین کرد، كە بە سەرۆکایەتى “سی یو ین” هاتوون.
بە پێی راگەیاندراوەكە شاندەكە بە پارێزگاری هەولێریان وتووە، خواستى ئەوان ئەوەیە بە هەماهەنگى پارێزگاى هەولێر، چەندین پڕۆژەى هەمەچەشنە لە بوارە جیاجیاکانى وەك کارەبا و تەکنەلۆژییا لە هەولێر ئەنجام بدەن، پارێزگاری هەولێریش ئامادەيى پارێزگاى پێشانداوە لە چوارچێوەى یاسا و رێنماییە بەرکارەکانى هەرێمى کوردستان هەموو ئاسانکارى و هاوکارییەکیان پێشکەش بکەن.
راگەیاندراوەكە ئاماژەی بەوە كردووە، لە ماوەى رابردوودا بە هاوبەشى لەگەڵ کونسڵخانەى وڵاتى چین لە هەولێر، جگە لە ئەنجامدانى کارى هاوبەش، کە یەکێک لەو کارانە رووناککردنەوەى شەقامى هەڵەبجەى شەهید بووە بە تیشكى خۆر و ئەوەى دیکەش دروستکردنى پارکێکى چینى بوو، توانراوە پەرەى زۆر بە پەیوەندییەکانى نێوان هەرێمی کوردستان و کۆمارى چین بدرێت.
چین
مالیزیا
فڕۆكەیەک بە 227 نەفەرەوە لە 2014ـەوە دیار نەماوە و بەدوایدا دەگەڕێن
چوارهم بهرههمههێنهرى جیهانه
عێراق تهنیا به داهاتی خورماكهی نیو تریلیۆن دینارى دهستكهوتووه
خانوویەکى بچوک و ئازارێکى گەورە
چیرۆکى خێزانێکى نەدار؛ "فەرش دەخوات و هەرچى بکەوێتە دەستى دەیشکێنێ"
شاخ بە شاخ ناگات، بەڵام شار بەشار دەگات
سلێمانی بووە دەستەخوشکی شارێکی چین و چاوەڕێی زۆرشتە
"بهرههمهكان جیاوازن لهوهى له بازاڕهكان ههیه"