لە ناوچە شاخاوییەکانیش پێشبینی باران دەکرێت
سبەی پلەکانی گەرما دادەبەزن
964+
ژێوار خدر
رۆژی هەینییە و ئەمڕۆ جەوەکەی تۆزێ گەرمە، ئاسمان ساماڵ و پەڵە هەور و پلەکانی گەرماش بەراورد بە دوێنێ کەمێک بەرزترن، بەڵام خەمتان نەبێت ئەمە تەنیا بۆ ئەمڕۆیە و سبەی جەوەکەی خۆش دەبێت.
بەپێی پێشبینییەکانی کەشوهەوای هەرێمی کوردستان، سبەی شەممە 24.5.2025، ئاسمان لە نێوان پەڵە هەور و نیمچە هەور دەبێت، لە ناوچە شاخاوییەکانی باکوری رۆژهەڵاتی هەرێمیش، ئەگەری کەمێک باران و هەورە تریشقە هەیە.
پلەکانی گەرماش بە نزیکی یەک بۆ دوو پلە نزمتر دەبن بەراورد بە تۆمارکراوەکانی ئەمڕۆ.
ئەمەش لیستی بەرزترین پلەی گەرمای پێشبینکراوی بەشێک لە ناوچەکانی هەرێمە بۆ ئەمڕۆ:
هەولێر : 40 پلەی سیلیزی
سلێمانی : 39 پلەی سیلیزی
دهۆک : 40 پلەی سیلیزی
کەرکوک : 42 پلەی سیلیزی
زاخۆ: 41 پلەی سیلیزی
هەڵەبجە : 41 پلەی سیلیزی
سۆران : 37 پلەی سیلیزی
حاجی ئۆمەران : 25 پلەی سیلیزی
گەرمیان : 45 پلەی سیلیزی
